ლაშა ადამია არჩილ ხაბაძეს და დავით ბალაძეს კორუფციულ გარიგებაში ადანაშაულებს

ამ კორპუსის მიზნობრიობა ეჭვქვეშ დღეს არასამთავრობო ორგანიზაციამ დააყენა. „ახალგაზრდული ინიციატივა მომავალი საქართველოსთვის“ ხელმძღვანელი აცხადებს, რომ სახლი მაღალჩინოსნების ინტერესებს მოერგო. ლაშა ადამია ირწმუნება, რომ მშენებარე ობიექტს საერთო არაფერი აქვს პროგრამასთან - „ბათუმი ბარაკების გარეშე“. ადამია ხაბაძე-ბალაძის დუეტზე საუბრობს და მათ კორუფციულ გარიგებაში ადანაშაულებს. პროგრამის მიმდინარეობით აჭარის ფინანსთა და ეკონომიკის მინისტრი იმდენად კმაყოფილია, რომ მისთვის არასამთავრობო ორგანიზაციის განცხადებას მნიშვნელობა არ აქვს. მშენებარე კომპანიაში მაღალჩინოსნებთან კორუფციულ გარიგებას აბსურდულად მიიჩნევენ და ბრალდებას ირონიით პასუხობენ. ქალაქის ბარაკებისგან გასათავისუფლებლად აჭარის მთავრობამ პროგრამა გასულ წელს აამოქმედა. ამ დრომდე განხორციელებული ორივე პროექტი ქალაქის ცენტრალურ უბნებში, ძვირადღირებულ ზონაში ხორციელდება. ტერიტორიები, სადაც "მარდი ჰოლდინგი" აშენებს სახლებს, ბარაკებით ნაკლებად იყო დატვირთული. კომპანიას რეგიონის მთავრობა საბანკო სექტორთან თავდებად დაუდგა და დარჩენილი ბინების შესყიდვის ვალდებულებაც აიღო. ავტორები: მარი ხაბაზი, ვაჟა კეშელავა, მირზა ციმნარიძე http://tv25.ge/?page=news\u0026news_id=206...