მხარდამჭერი გზავნილები ბრიუსელიდან

საქართველოს საგარეო საქმეთა მინისტრი ნატო-ს გენერალურ მდივანს შეხვდა. მანამდე კი დავით ზალკალიანი ნატო-ში აკრედიტებულ ელჩებს ესაუბრა. დიპლომატებმა ზალკალიანს ის პოზიცია გააცნეს, რომელიც წინა კვირას ნატო-რუსეთის კომისიის სხდომაზე, რუსეთის წარმომადგენელთან დააფიქსირეს. ზალკალიანის განცხადებით, დიპლომატებთან საინტერესო დისკუსია გაიმართა. მისი თქმით, საქართველოს პარტნიორები მყარად რჩებიან იმ პოზიციაზე, რომ ბუქარესტის სამიტის გადაწყვეტილებები არ გადაიხედება და საქართველო ნატო-ს წევრი გახდება. ამასთან, დავით ზალკალიანის თქმით, შეხვედრაზე კიდევ ერთხელ აღინიშნა, რომ საქართველოს აქვს უფლება, თვითონ აირჩიოს რომელ ალიანსში სურს გაწევრიანება. ქართული მხარე ახლა უკვე ნატო-ს მადრიდის სამიტისთვის ემზადება, სადაც ალიანსმა სამომავლო სტრატეგიასთან დაკავშირებით, საბოლოო გადაწყვეტილება უნდა მიიღოს. ქართულ მხარეს იმედი აქვს, რომ პოლიტიკურ დეკლარაციაში საქართველოსთან დაკავშირებით მკაფიო ჩანაწერი გაკეთდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.