ევროპის ქუჩის რეაბილიტაცია იწყება

კახეთის გზატკეცილის კაპიტალური რეაბილიტაციის ფარგლებში, თბილისის საერთაშორისო აეროპორტამდე მისასვლელი გზის - ევროპის ქუჩის რეაბილიტაცია იწყება. სამუშაოები თბილისის მერმა მოადგილეებთან და საკრებულოს თავმჯდომარესთან ერთად დაათვალიერა. სარეაბილიტაციო სამუშაოები ორ ეტაპად განხორციელდება. თავდაპირველად, ერთი თვის განმავლობაში, გადაიკეტება აეროპორტიდან თბილისის მიმართულებით სავალი ნაწილი და საპირისპირო მიმართულება დროებით გახდება ორმხრივი. პირველი ეტაპის დასრულების შემდეგ, სამუშაოები თბილისიდან აეროპორტის მიმართულებით განხორციელდება და საპირისპირო მიმართულებაზე სატრანსპორტო ნაკადი ასევე 30 დღით გადაერთვება. რეაბილიტაცია ჩაუტარდება საავტომობილო სავალ ნაწილს, განახლდება ბორდიურები და ტროტუარი, გამყოფ ზოლში მოეწყობა თვალამრიდები. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.