აშშ-ის დახმარება უკრაინას

შეერთებული შტატები უკრაინას დამატებით 625 $ მილიონი დოლარის სამხედრო დახმარებას გაუწევს. განცხადება ამერიკის სახელმწიფო მდივანმა ენტონი ბლინკენმა გააკეთა. დახმარების ახალი პაკეტი გულისხმობს დამატებით იარაღს, საბრძოლო მასალასა და აღჭურვილობას. სახელმწიფო მდივნის თქმით, შტატები გააგრძელებს უკრაინის მხარდაჭერას მანამდე, ვიდრე ეს საჭირო იქნება. ასევე, ამერიკისა და უკრაინის პრეზიდენტებს შორის სატელეფონო საუბარი შედგა. თეთრი სახლის მიერ გავრცელებულ განცხადებაში წერია, რომ საუბრის მთავარი მიზანი იმის დემონსტრირებაა, რომ ამერიკა არასდროს აღიარებს რუსეთის მიერ უკრაინის ტერიტორიების ანექსიას. „პრეზიდენტმა ბაიდენმა ასევე დაადასტურა, რომ ამერიკა მომავალშიც მზადაა, ნებისმიერ ადამიანს, ორგანიზაციას თუ ქვეყანას, რომელიც რუსეთის მიერ უკრაინის ტერიტორიების ანექსიას აღიარებს, დიდი საფასური გადაახდევინოს“, - ნათქვამია თეთრი სახლის მიერ გავრცელებულ განცხადებაში. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1tv.ge გამოიწერეთ ჩვენი არხი - https://www.youtube.com/user/GeorgianPB/ ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

მსგავსი ვიდეოები