საქართველოს პრეზიდენტის განცხადება - შეხვედრა ელჩებთან

„საჭიროა სიტუაციის დაუყოვნებლივ დეესკალაცია და დაძაბულობის განმუხტვა, რომელსაც პირველ რიგში სჭირდება ნამდვილი კონსტრუქციული დიალოგი,“ – ასე გამოეხმაურა ქვეყანაში მიმდინარე პოლიტიკურ  პროცესებს საქართველოს პრეზიდენტი. სალომე ზურაბიშვილი ამბობს, რომ ქვეყანაში პოლარიზაცია, დაძაბულობა და დაპირისპირება დღითიდღე იზრდება: „ამას შეიძლება მოჰყვეს უმძიმესი შედეგები, დემოკრატიული ინსტიტუტების მიმართ საზოგადოებაში ნდობის დაკარგვა, რაც არა თუ ჩვენთვის, არამედ ჩვენზე ძლიერი დემოკრატიული ქვეყნებისთვის გამანადგურებელი პრეცედენტის შექმნას უდრის. ამ დემოკრატიული პრინციპების უარყოფა აწყობთ, მხოლოდ იმ ძალებს, ქვეყნის შიგნით და გარეთ, ვინც საკუთარ პოლიტიკურ ამბიციებს ქვეყნის ინტერესებზე მაღლა აყენებს და ვინც რეგიონში საქართველოს სტაბილურობასა და დემოკრატიულობას საფრთხედ აღიქვამს“ - ვკითხულობთ სალომე ზურაბიშვილის განცხადებაში. შექმნილი პოლიტიკური ვითარება განიხილეს შეხვედრაზე, რომელიც სალომე ზურაბიშვილსა და დიპლომატიური კორპუსის წარმომადგენლებს შორის შედგა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.