მეუფე შიოს განცხადება

უკრაინის ეკლესიის ავტოკეფალიასთან დაკავშირებით საქართველოს საპატრიარქო საკუთარ პოზიციას ტომოსის ტექსტის გაცნობის შემდეგ დააფიქსირებს, – ამის შესახებ ილია მეორის ტახტის მოსაყდრემ, მეუფე შიომ ჟურნალისტებს განუცხადა. მისი თქმით, ჯერჯერობით ვერ იტყვის, როდის იქნება ამ საკითხის განხილვა. მეუფე შიომ სამების საკათედრო ტაძარში საკვირაო ლოცვა ჩაატარა. ლიტურგიის დასრულების შემდეგ ტაძარში შეკრებილ მრევლს ქადაგებით მიმართა და დამდეგი შობა მიულოცა. მეუფე შიომ ღვთის სიყვარულზე და წინაპრების პატივისცემაზე იქადაგა. მან ტაძარში შეკრებილ მრევლს უწმინდესის მოლოცვა გადასცა და თქვა, რომ ილია მეორე საზეიმო ღვთისმსახურებას სამების საკათედრო ტაძარში 23 საათზე ჩაატარებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.