საქართველოს მხარდაჭერა ეუთო-ს მინისტერიალზე

საქართველოს მეგობართა ჯგუფი ჩვენს ქვეყანაში 10 წლის წინ შეწყვეტილი ეუთო-ს მისიის აღდგენას ითხოვს. ეს არის ერთ-ერთი მთავარი მხარდამჭერი გზავნილი საქართველოზე მომზადებული ვრცელი განცხადებიდან, რომელიც ბრატისლავაში მიმდინარე ეუთო-ს მინისტერიალზე მიიღეს. 15 ქვეყანა, მათ შორის აშშ, ორგანიზაციის წევრ ქვეყნებს მოუწოდებს, განახლდეს ეუთო-ს მისიის მანდატი, რომელიც 2009 წელს რუსეთის ვეტოს გამო ვეღარ გაგრძელდა. საქართველოს მხარდამჭერ განცხადებაში მოსკოვი მწვავედ არის გაკრიტიკებული. ასევე ნახსენებია საოკუპაციო რეჟიმის ყველა მსხვერპლის გვარი, მათ შორის არჩილ ტატუნაშვილის, გიგა ოტხოზორიას და დავით ბაშარულის. საქართველოს მეგობართა ჯგუფი საუბრობს ექიმ ვაჟა გაფრინდაშვილის უკანონო დაკავებაზეც და მის სასწრაფო გათავისუფლებას მოითხოვს.  ქეთი ჩოხელი ბრატისლავადან. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.