სააკაშვილის საქმე და „მაგნიტსკის სია“

„მაგნიტსკის სიის“ ქართული ანალოგის წინასწარი ვერსია მზად არის. მიხეილ სააკაშვილის ინიციატივით მომზადებულ ჩამონათვალში, სავარაუდოდ, 20-მდე პირი მოხვდება, მათ შორის იქნებიან იუსტიციის მინისტრი, პენიტენციური სამსახურის თანამშრომლები, ცალკეული მოსამართლეები და ექიმებიც. საუბარია იმ ადამიანებზე, რომლებმაც ექს-პრეზიდენტის გარემოცვის მტკიცებით, პატიმრობის პერიოდში სააკაშვილის უფლებები დაარღვიეს. თანაგუნდელები დარწმუნებულები არიან, რომ წამებასთან ერთად ყოფილი პრეზიდენტი მოწამლეს. „ნაციონალური მოძრაობის“ ლიდერებთან და იურისტებთან კონსულტაციების შემდეგ ადვოკატი შალვა ხაჭაპურიძე პროცესში სააკაშვილის უცხოელ ადვოკატსაც რთავს და თავად სიაში მოხვედრილ პირთა ბრალეულობის დამადასტურებელი მტკიცებულებების მოძიებას იწყებს. რუსი ადვოკატი სერგეი მაგნიტსკი, რომელიც რუსეთის მასშტაბურ ფინანსურ მაქინაციებს და კორუფციულ ფაქტებს იკვლევდა, 2009 წელს ციხეში გარდაიცვალა. 2012 წელს კონგრესის მიერ დამტკიცებულ მაგნიტსკის აქტის შესაბამისად კი მისი სახელობის სია მომზადდა, სადაც პატიმრის წამებასთან და გარდაცვალებასთან დაკავშირებულ პირებს სანქციები დაეკისრათ. რამდენად რელევანტურია „მაგნიტსკის სიის“ ქართული ანალოგის, იგივე „სააკაშვილის სიის“ შექმნა - ოპოზიციის ნაწილისგან გასხვავებით, მმართველი გუნდი ინიციატივას უსაფუძვლოდ და სასჯელისგან გათავისუფლების პიარ მცდელობად აცხადებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.