ევროპის ჩემპიონატი სპორტულ კარატეში

10.02.2024 02:09

პირველი არხი Georgian Public Broadcaster

არხი

კულტურისა და სპორტის სამინისტროს მხარდაჭერით, საქართველო, ისტორიაში პირველად, სპორტულ კარატეში კადეტთა, იუნიორთა და 21-წლამდელთა შორის ევროპის ჩემპიონატს მასპინძლობს, რომელშიც 49 ქვეყნის 1 200-მდე სპორტსმენი მონაწილეობს. ჩემპიონატი სამი დღის განმავლობაში გაგრძელდება. საქართველოს ნაკრები ტურნირზე 26 სპორტსმენით წარდგება. გახსნის საზეიმო ღონისძიებაზე სპორტიდან გააცილეს ცნობილი ქართველი კარატისტი გოგიტა არქანია. მან კარიერა 39 წლის ასაკში დაასრულა. „თბილისი არენაზე“ ჩემპიონატის გახსნის ცერემონიას კულტურისა და სპორტის მინისტრი, კარატეს მსოფლიოსა და ევროპის ფედერაციების პრეზიდენტი, საქართველოს ეროვნული ოლიმპიური კომიტეტის პრეზიდენტი და სპორტული კარატეს ეროვნული ფედერაციის პრეზიდენტი ესწრებოდნენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: