ვის ეკუთვნის ე.წ. ძველი ავტოსადგურის ტერიტორია?

თელავში ე.წ. ძველი ავტოსადგურის შესასვლელ გზას რეაბილიტაცია ესაჭიროება. სამარშრუტო ტაქსების მძღოლები და ფეხით მოსიარულეები ამბობენ, რომ დაზიანებული გზის საფარი მათ პრობლემებს უქმნით. ისინი ადგილობრივი ხელისუფლებისგან ქუჩის მონაკვეთის რეკონსტრუქციას ითხოვენ. ავტოსადგურის მფლობელმა - ამირან გოზალიშვილმა სატელევიზიო კომენტარზე უარი თქვა, თუმცა ჟურნალისტებთან პირადი საუბრისას განაცხადა, რომ აღნიშნული ტერიტორია ავტოსადგურს არ ეკუთვნის და მასზე პასუხისმგებლობა მუნიციპალიტეტს ეკისრება. ადგილობრივი ხელისუფლების წარმომადგენლები ჟურნალისტებთან პირად საუბარში ამბობენ, რომ ავტოსადგურის შესასვლელი გზა მუნიციპალიტეტის მფლობელობაში არ არის და მათ ამ მიწის ფართობზე ინფორმაცია არ გააჩნიათ. საჯარო რეესტრის ამონაწერის მიხედვით აღნიშნული ტერიტორიის მფლობელის ვინაობა გაურკვეველია. თელავის მუნიციპალიტეტის გამგეობა ძველი ავტოსადგურის მიმდებარე ტერიტორიით „ახალი ამბების" სტუმრობის შემდეგ დაინტერესდა და როგორც იქ განაცხადეს, მოკვლევაც დაიწყეს. ადგილობრივი თვითმმართველობის ორგანოში კომენტარისთვის რამდენიმე დღე ითხოვეს. ვებ-გვერდზე გადასვლა: http://bit.ly/13wpweC