ფიზიკური დაპირისპირება რუსთავში

შემაძრწუნებელი კადრები, რომელმაც დღეს მთელი ქვეყანა შეძრა - არასრულწლოვანი გოგონა თანატოლებისგან ფიზიკური ძალადობის და ბულინგის მსხვერპლი გახდა. თავდამსხმელებიც გოგონები არიან. მათ მიერ მობილური ტელეფონით გადაღებულ და შემდეგ სოციალურ ქსელში გავრცელებულ კადრებში ჩანს, როგორ აყენებენ ისინი მერვე კლასის მოსწავლეს ფიზიკურ და სიტყვიერ შეურაცხყოფას, როგორ ამცირებენ და როგორ აიძულებენ საკუთარ თავზე უხამსი სიტყვების თქმას. ფაქტი უკვე გახდა გამოძიების საგანი. სკოლა, სადაც დაზარალებული სწავლობს, პასუხისმგებლობას იხსნის - შემთხვევა სასწავლო დაწესებულების ტერიტორიაზე და სასწავლო საათებში არ მომხდარა. არასრულწლოვნები დაკითხული არიან. ძიება მუქარის მუხლით მიმდინარეობს. ინციდენტის მონაწილეების და მსხვერპლის ასაკიდან გამომდინარე, ძალადობის ამსახველი კადრები, ასევე ხმა ჩვენს რეპორტაჟში დაფარული იქნება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.