„ვიტ ჯორჯიას“ ხუთ ფეხბურთელს საფეხბურთო საქმიანობა სამუდამოდ აეკრძალა

საქართველოს ფეხბურთის ფედერაციის სადისციპლინო კომიტეტმა გარიგებულ მატჩებში ეჭვმიტანილ ფეხბურთელებთან დაკავშირებით საბოლოოდ გადაწყვეტილება გამოიტანა. თბილისის „ვიტ ჯორჯიას“ ხუთ მოთამაშეს, გიორგი გეთიაშვილს, ჯონი შეროზიას, ნიკოლოზ მაისურაძეს, ნოდარ კიკნაველიძეს და პაატა ღუდუშაურს საფეხბურთო საქმიანობა სამუდამოდ აეკრძალა, ხოლო თავად კლუბს „კრისტალბეთ ეროვნულ ლიგაში“ ექვსი ქულა დააკლდა და ჯარიმის სახით 50 ათასი ლარის გადახდა დაეკისრა. კომიტეტმა იმსჯელა ლანჩხუთის „გურიის“ ორ და ჭიათურის ერთი მოთამაშის საკითხზეც. საბოლოო გადაწყვეტილების მიღებამდე, მათ საფეხბურთო საქმიანობა აეკრძალათ. შეგახსენებთ, სამართალდამცავებმა გარიგებულ მატჩებში ეჭვმიტანილი 11 პირი დააკავეს, მათგან შვიდი მოქმედი ფეხბურთელია. საკითხზე კომენტარი დღეს მხოლოდ ერთ-ერთი სპორტსმენის ადვოკატმა გააკეთა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.