„ნაბეღლავის“ და „ენგადის“ თანამშრომლების გაფიცვა

გაფიცვა გრძელდება კიდევ ერთ საწარმოში. სადისტრიბუციო შპს „ენგადის“ 70-მდე თანამშრომელი მეორე დღეა, სამუშაოს შესრულებაზე უარს აცხადებს. შედეგად ჰოლდინგში შემავალი ოთხი კომპანიის, მათ შორის „ნაბეღლავის“ პროდუქციის დისტრიბუცია შეფერხებებით მიმდინარეობს. მენეჯმენტის წარმომადგენლები დღეს დასაქმებულებს გაესაუბრნენ და მათ მიერ დაყენებული მოთხოვნების განხილვა პირისპირ ფორმატში შესთავაზეს, თუმცა ბორჯომის მსგავსად, შპს „ენგადის“ თანამშრომლებიც მედიაციის პროცესში პროფკავშირების წარმომადგენლის ჩართვას ითხოვენ. მიზეზი, რის გამოც დასაქმებულებმა სამუშაო პროცესის გაგრძელებაზე უარი თქვეს, არასათანადო სამუშაო პირობებს და ხელფასების სიმცირეს უკავშირდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.