ირმა ნადირაშვილი პროკურატურაში გამოკითხვაზე იმყოფება

23.09.2019 01:29

პირველი არხი Georgian Public Broadcaster

არხი

გენერალურ პროკურატურაში ამ წუთებში გამოკითხვაზე იმყოფება „ევროპული საქართველოს“ წევრი, ირმა ნადირაშვილი. ის პრეზიდენტის მიერ მსჯავრდებულების შეწყალების პროცესში სამსახურებრივი უფლებამოსილების შესაძლო ბოროტად გამოყენების ფაქტზე დაწყებული გამოძიების ფარგლებში გამოიკითხება. პარტია „ევროპულმა საქართველომ“ გენერალურ პროკურატურას განცხადებით რამდენიმე დღის წინ მიმართა და გამოძიების დაწყება მოითხოვა. ირმა ნადირაშვილის განცხადებით, საქართველოს საადვოკატო წრეებთან დაახლოებული პირისგან, წყაროს გაუთქმელობის პირობით მიიღეს ინფორმაცია, რომ დაინტერესებული ადამიანები უკავშირდებიან პრეზიდენტის საპარლამენტო მდივანს, დიმიტრი გაბუნიას და მასთან გადიან ფინანსურ საკითხებს, თუ რა ფასად შეიძლება ესა თუ ის პირი იყოს შეწყალებული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: