აქცია ქობულეთში

საბანკო ვალდებულებების გადავადებისა და პროცენტის განულების მოთხოვნით ქობულეთში „ქართული ოცნების“ ოფისთან საოჯახო სასტუმროების, კაფე-ბარებისა და სხვა ტურისტული ობიექტების მფლობელებმა საპროტესტო აქცია გამართეს. მმართველი პარტიის ოფისთან „ნაციონალური მოძრაობის“, „ლელოსა“ და სხვა ოპოზიციური პარტიების წარმომადგენლებიც იმყოფებოდნენ. აქციის მონაწილეების განცხადებით, პანდემიისა და ტურისტული სეზონის ჩავარდნის გამო, ისინი საბანკო ვალდებულებების შესრულებას ვერ ახერხებენ და სახელმწიფო მათ გვერდში უნდა დაუდგეს. აქციის მონაწილეებმა ხელისუფლებას რამდენიმე დღიანი ვადა მისცეს, მოთხოვნების დაუკმაყოფილებლობის შემთხვევაში კი აქციების განახლება დააანონსეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.