ეუთოს საპარლამენტო ასამბლეის საშემოდგომო სესია - მაკა ბოჭორიშვილი / Maka Botchorishvili

#geoparliament #osce ეუთოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრი და ევროპასთან ინტეგრაციის კომიტეტის თავმჯდომარე მაკა ბოჭორიშვილი ეუთოს საპარლამენტო ასამბლეის საშემოდგომო სესიაზე სიტყვით გამოვიდა, რომელიც 24 ნოემბერს ქ. ვარშავაში ჩატარდა. სიტყვით გამოსვლისას, მაკა ბოჭორიშვილმა მეზობელი სახელმწიფოებისადმი რუსეთის აგრესიული პოლიტიკის შედეგებზე ისაუბრა და აღნიშნა, რომ რუსეთის ქმედებები საფრთხეს უქმნის წესებზე დაფუძნებულ საერთაშორისო სისტემასა და ევროპული უსაფრთხოების არქიტექტურას. ასევე, რუსეთის აგრესიის შესაჩერებლად საქართველოსა და უკრაინისადმი საერთაშორისო მხარდაჭერის მნიშვნელობას გაუსვა ხაზი: „უკრაინის წინააღმდეგ აგრესია რუსეთის იმ პოლიტიკის გაგრძელებაა, რომელიც მან საქართველოში დაიწყო და რომლის შედეგადაც საქართველოს განუყოფელი რეგიონები - აფხაზეთი და ცხინვალი რუსეთის მიერაა ოკუპირებულია. შესაბამისად, ჩვენ, ქართველებს, კარგად გვესმის, თუ რამდენად მტკივნეულია რუსეთის აგრესია, რუსული ოკუპაცია და უკრაინასა და უკრაინელ ხალხს მტკიცე სოლიდარობას ვუცხადებთ".