MDF მედიაწიგნიერების ფორუმი 2022

26-27 ოქტომბერს მედიის განვითარების ფონდმა (MDF), UNESCO-ს მედიამ და ინფორმაციული წიგნიერების მე-11 გლობალური კვირეულის ფარგლებში უმასპინძლა ყოველწლიურ მედიაწიგნიერების ფორუმს. ღონისძიება განხორციელდა ილიას სახელმწიფო უნივერსიტეტთან პარტნიორობითა და საქართველოში აშშ-ის საელჩოს მხარდაჭერით. ღონისძიებამ მედია და ინფორმაციული წიგნიერებით დაინტერესებულ ახალგაზრდებს შესთავაზა შემდეგ თემატურ ვორკშოპები: გემიფიკაცია – „ცეცხლთან ცეცხლით ბრძოლა: როგორ გავხდეთ ბოროტი გენიოსი და ვმართოთ მსოფლიო", ლიზა პოოტი, გეოლოკაცია – „როგორ ვიმოგზაუროთ საქართველოს ოკუპირებულ ტერიტორიებზე გეოლოკაციის გამოყენებით”, მაიკო რატიანი, მითების დეტექტორი/MDF; მანანა თევზაძე, საქართველოს ლურჯი ფარი ნარატივდიზაინი – „როგორ შევქმნათ ჩეტბოტები”, სანდრო ასათიანი და მენტორი თამთა პაპუკაშვილი, ილიას სახელმწიფო უნივერსიტეტის კიბერლაბორატორია უნილაბი კოდინგი – „რა არის კოდინგი და როგორ შევძლოთ კომპიუტერულ კოდთან მუშაობა”, სანდრო ასათიანი და გიორგი კვარაცხელია, ილიას სახელმწიფო უნივერსიტეტის კიბერლაბორატორია უნილაბი თემატური ვორკშოპების გარდა ფორუმმა ტრადიციულად MIL თამაშების ბაზრობასაც უმასპინძლა და მონაწილეები გაეცნენ MDF-ის ახალ თამაშს „კიბერხოკერა“. ფორუმზე წარმოდგენილი იყო MDF-ის ახალი კვლევა, რომელიც საქართველოში მედიაწიგნიერებისა და დეზინფორმაციის გავლენას სწავლობს. ღონისძიებაზე მედიაწიგნიერების პროექტის ფარგლებში მომზადებული კლიპების პრეზენტაციაც გაიმართა, რომელთაგან ერთ-ერთი #GlobalFact9-ის ნომინაციის „ყველაზე კრეატიული ფორმატი“ გამარჯვებულია. ფორუმი 2022 წლის ყველაზე მედიაწიგნიერ ახალგაზრდას და „მითების დეტექტორის” წლის საუკეთესო პუბლიკაციაც გამოავლინა. მედიაწიგნიერების ფორუმს მედიის განვითარების ფონდი 2019 წლიდან საქართველოში აშშ-ის საელჩოს მხარდაჭერით პროექტის „ახალგაზრდების მედიაწიგნიერების ლაბორატორია პასუხისმგებლობიანი მედია მოხმარებისთვის“ ფარგლებში მართავს.