სტუმრად ეგნატე ნინოშვილის სახლ-მუზეუმში

სულ ცოტა ხნის წინ, სოფელ არჩეულში, ეგნატე ნინოშვილის სახლ-მუზეუმს ვესტუმრეთ. მუზეუმი მძიმე მდგომარეობაშია, საგამოფენო დარბაზი ამორტიზებულია, რის გამოც ზიანდება მნიშვნელოვანი ექსპონატები. როგორც აქ მომუშავეები გვიყვებიან, უკვე მრავალი წელია კულტურის სამინისტროს თუ ადგილობრივ მუნიციპალიტეტს დახმარებას სთხოვენ, თუმცა უშედეგოდ. ყოველდღიური შრომატევადი საქმის მიუხედავად, დასაქმებულებიც აქ მიზერული ანაზღაურების სანაცვლოდ მუშაობენ. თუმცა, როგორც ისინი ამბობენ, მთავარი საკითხი არა მათი ხელფასები, არამედ ინფრასტრუქტურული პრობლემების მოგვარებაა, რათა სათანადოდ შეძლონ, მოსულ სტუმრებს, გააცნონ მწერლის ცხოვრება და შემოქმედება. მიუხედავად მძიმე პრობლემებისა, ჩვენი მასპინძელი, ქალბატონი მარინა ცეცხლაძე, დიდი ენთუზიაზმითა და ენერგიით გვიყვება მე-19 საუკუნის მნიშვნელოვან ქართველ მწერალზე, რომელმაც თავის ნაწარმოებებში ასახა ის სოციალური ვითარება, რომელიც ქართულ სოფელში შეიქმნა ბატონყმობის გაუქმების შემდეგ პერიოდში. გვიპოვეთ აქ: Facebook:   / mautskebeli.ge   Instagram:   / mautskebeli.  . Twitter:   / mautskebeli   Web: https://www.mautskebeli.ge/