გიორგი ბარამიძე მაია მამულაშვილის "დღის ამბებში" - 04/09/2022

#გიორგიბარამიძე - ყოველი ასეთი შეხვედრა ჩვენთვის შანსია, რომ ობიექტური ინფორმაცია მივაწოდოთ ჩვენს პარტნიორებს, რომლებსაც დიდი როლი აქვთ საქართველოს დამოუკიდებლობაში და ის ჯერ კიდევ არსებობს როგორც დამოუკიდებელი სახელმწიფო. სამწუხაროდ, საქართველოში დღეს გვყავს ხელისუფლება, რომელიც პუტინმა თავისი სპეცოპერაციით მოიყვანა. დღეს უკრაინას უტევს ტანკებითა და არტილერიით, თავის დროზე საქართველოს უტევდა და როცა ვერ შეძლო საქართველოს დაპყრობა, სხვა მეთოდით სცადა საქართველოს ხელში ჩაგდება მისი მარიონეტების საქართველოში დასმით. ჩვენთვის ახლა სამი რამ არის მნიშვნელოვანი იმისთვის, რომ საქართველო კვლავ დაადგეს ნორმალური განვითარების გზას, რაც საშუალებას მოგვცემს ნატოსა და ევროკავშირში გაწევრიანების გზით გავამთლიანოთ საქართველო და ვიყოთ ნორმალური, აყვავებული სახელმწიფო: 1. უკრაინის გამარჯვება, 2. ქართველი ხალხის აქტიურობა საქართველოში, 3. ჩვენი მეგობრების, დასავლელი პარტნიორების აქტიურობა, რომლებმაც შესაბამისი ზეწოლა უნდა მოახდინონ ივანიშვილის რეჟიმზე. Ბიძინა ივანიშვილმა ჩამოაყალიბა კონცეფცია, რომ საქართველო ჩამოაცილოს დასავლეთს. ჩვენ ვცხოვრობთ ისეთ რეგიონში, რომ ძალიანაც რომ მოინდომო, ნეიტრალური ვერ იქნები… აქ, სადაც ვართ, ან დასავლეთის ნაწილი ხარ ან რუსეთის. შეცვლილი ვითარებაა, ის ადამიანები, რომლებიც ვამბობდით, რომ ბიძინა ივანიშვილი მოღალატეა, მარტო აღარ ვართ.