რადიოსიუჟეტში ითქვა, რომ დაიწყო პროექტის „გენდერული საკონსულტაციო საბჭოები - ქალთა როლის ამაღლება რეგიონებში სოციალური ცვლილებებისათვის“ ახალი ეტაპი. როგორ აფასებენ ჩატარებულ მუშაობას პროექტის ხელმძღვანელები, მონაწილეები; რა გამოიკვეთა საქართველოს პარლამენტში გენდერული საკონსულტაციო საბჭოს წევრებსა და პარლამენტის გენდერული საბჭოს წევრებს შორის ჩატარებულ შეხვედრაზე. პარლამენტის ვიცე სპიკერის, მანანა კობახიძის სიტყვებით, ფონდი „სოხუმის“ დამსახურებაა ის, რომ პირველად ჩატარდა ასეთი შეხვედრა, დისკუსია პარლამენტისა და საკრებულოს დეპუტატებს შორის გენდერული თანასწორობის საკითხებზე; დაისახა სამომავლო თანამშრომლობის სტრატეგიები. მან პოზიტიურად შეაფასა მცდელობა - მოხდეს გენდერული თანასწორობის საბჭოების ინსტიტუციური დანერგვა ადგილობრივ დონეზე.
წყარო: http://fundsokhumi.ge/news/radiogadat...
წყარო: http://fundsokhumi.ge/news/radiogadat...
