19 აგვისტოს მართლმადიდებელი სამოციქულო ეკლესია ფერისცვალების დღესასწაულს აღნიშნავს

19 აგვისტოს მართლმადიდებელი სამოციქულო ეკლესია ფერისცვალების დღესასწაულს აღნიშნავს. მაცხოვარმა სამი მოწაფე გამოარჩია: პეტრე, იაკობი, იოანე და მათთან ერთად თაბორის მთაზე ავიდა სალოცავად. სანამ იესო ლოცულობდა, მოწაფეებს ჩაეძინათ. გამოღვიძებულებმა იხილეს, რომ მაცხოვარმა ფერი იცვალა და გაბრწყინდა. მაცხოვარს გვერდს უმშვენებდნენ ზეციური დიდებით შემოსილი მოსე და ელია წინასწარმეტყველი. მათ თავზე ნათელი დაადგათ და უფლის ხმა მოესმათ: „ესე არს ძე ჩემი საყვარელი, ისმინეთ მისი“. მოწაფეები შიშით მიწაზე დაემხვნენ. მაცხოვარმა ისინი წამოაყენა, დაამშვიდა და გააფრთხილა, რომ ეს ამბავი მის მკვდრეთით აღდგომამდე, არავისთვის ეთქვათ. ფერისცვალების დღესასწაულზე, წირვის შემდგომ, ხილს აკურთხებენ, რაც სიმბოლურად ნიშნავს, რომ კურთხევით განიწმინდება ადამის ცოდვით შებილწული ხილი, რომელიც იმ სიწმინდეს იბრუნებს, რითაც იგი ედემის ბაღში იყო მოსილი. ფერისცვალებას გილოცავთ, ყველას ჯანმრთელობას გისურვებთ, უფალი გფარავდეთ! #ეკლესია #სარწმუნოება #მრწამსი #მართმადიდებელი #ქრისტიანი #პატრიარქი #ტაძარი #მეუფეშიო #ფერისცვალება #დღესასწაული