09.09.2019 - Ιερός Ναός Αγίας Βαρβάρας Θεσσαλονίκης (Γεωργια)

http://inagvarvaras.gr/wp-content/upl... პონტიელ ბერძენთა გენოციდის 100 წლისთავი, უამრავი ტკივილი და მწარე მოგონება, გადასახლება, გაჭირვება და უცხო ქვეყნებში დამკვიდრება, შემდეგ კი მონატრებულ სამშობლოში დაბრუნება და ცხოვრების ისევ თავიდან დაწყება - აი ამ მოკლე და საუკუნეობრივი პერიოდის ისტორიის მატარებელი ხალხია პონტიელი ბერძნები, რომელთა ნაწილს საქართველოს მიწამაც გაუღო კარი და მიიღო. ჯერ კიდევ მედეასა და იასონის დროიდან იწყება ბერძნულ-ქართული ურთიერთობები, ისტორიულმა მეზობლობამ კი ნათესაური კავშირებიც დაამყარა. შემდეგ ცნობილი მოვლენები და პონტიელ ბერძენთა საქართველოში თანაცხოვრება, რომელმაც კიდევ უფრო გაამყარა ქართულ-ბერძნული ურთერთობები და ის იმდენად შეკრა, რომ შეიქმნა უამრავი შერეული ოჯახი, საქართველოში დაბადებული ბევრი, ეროვნებით ბერძენი ეზიარა ქართულ სინამდვილეს, მის ტრადიციებს, კულტურას და ჩაება მისი, ქვეყნის ცხოვრებაში, თანამედროვე ეპოქას თუ გადავხედავთ, ბევრმა ქართველმა ბერძენმა მიიღო მონაწილეობა საომარ მდგომარეობაში და სამუდამოდ დაიმკვიდრა ადგილი ქართულ ყოფაში (2008 წლის რუსული აგრესია და ტერიტორიების ოკუპაცია). ქართულმა მიგრაციამ, რომელიც ძირითადად საქართველოში მიმდინარე მოვლენების, ეკონომიკურად გაუსაძლისი მდგომარეობიდან გამომდინარეობდა, XX საუკუნის 90-იანი წლებიდან იღებს დასაბამს და ვინ თუ არა, საბერძნეთს მოაშურა ქართველმა მიგრანტებმა, აქ გამოჩნდა ის მთავარი, რომელმაც გამოავლინა ჩვენი საუკუნეობრივი თანაცხოვრების, ნათესაური კავშირების, შერეული ოჯახების და კიდევ უამრავი . . .რომელმაც ხელი გაუწოდა ქართველ მიგრანტებს . . . მის შემდეგ საბერძნეთში დაიბადა ბერძენი ქართველების თაობა, რომლებიც ეზიარნენ ბერძნულ ყოფას, შეითვისეს ამ ქვეყნის სიკეთეები, და თაობა, რომელიც ადგილსამყოფელი ქვეყნის - საბერძნეთის სამხედრო სავალდებულო სამსახურის რიგებში გაწერთიანდნენ და დადეს ფიცი საბერძნეთის რესპუბლიკის წინაშე. დიახ ეს ის მომენტია, როდესაც ორი მეზობელი, მეგობარი, ნათესავი ერი ერთმანეთის ლხინისა და ჭირ-ვარამის უტყუარი გამზიარებლები არიან. მადლობა საბერძნეთს და ბერძენ!! (პონტიელ) ხალხს ამ ყველაფრისათვის. P.S. - ღონისძიებაზე ქართულ დელეგაციას წარმოადგენდა თესალონიკის საზოგადოებრივი ჯგუფი ,,თესალონიკის ქართველობა,, (დამფუძნებელი ზაზა სულამანიძე), ქორეოგრაფიული ანსამბლი ,,არგო,, (ხელმძღვანელი და ქორეოგრაფი ათინა ისლამიდუ, მოცეკვავეთა დიდი უმრავლესობა არაქართველია ან შერეული ოჯახებიდან არიან.) და ცნობილი ბერძენი/ქართველი მოქანდაკე გელა კესიდი (რომლის ინიციატივითაც მიწვეული იყო აღნიშნული ჯგუფი).