#უკრაინისდაცვა: მსოფლიოს 68 ქალაქში უკრაინის მცველთათვის მიძღვნილი ღონისძიებები ჩატარდა

17.10.2022 04:31

Euronews Georgia

არხი

14-დან 16 ოქტომბრამდე უკრაინელები მსოფლიოს გარშემო ერთიანდებიან და მონაწილეობას იღებენ კამპანიაში, სახელწოდებით #უკრაინის დაცვა, რომელიც ქვეყნის დამცველებს ეძღვნება, ანუ მათ, ვინც ახლა უკრაინისთვის იბრძვის. კამპანია მსოფლიოს 68 ქალაქში ტარდება. თბილისში ამ დღისადმი მიძღვნილი აქცია 14 ოქტომბერს, პარასკევს უნდა გამართულიყო, თუმცა ვაკის პარკში მომხდარი ტრაგედიის გამო საქართველოში მცხოვრებმა უკრაინელებმა კამპანიის რამდენიმე დღით გადადება გადაწყვიტეს. თავისუფლების მოედანზე საქართველოში მცხოვრებმა უკრაინელებმა უკრაინის დიდი დროშა გაშალეს, ეკრანი დაამონტაჟეს, და ბევრჯერ გადაუხადეს მადლობა უკრაინის მცველებს, ანუ მათ, ვინც უკრაინისთვის იბრძოდა და დღესაც იბრძვის.

გაზიარება: