აფხაზები აჭარიდან - ჩვენი მუჰაჯირები. დოკუმენტური ფილმი

ბევრმა არ იცის, რომ აჭარაში დღემდე ცხოვრობენ აფხაზი მუჰაჯირების შთამომავლები - მე-19 საუკუნის მეორე ნახევარში რუსეთის იმპერიის მიერ აფხაზეთიდან გამოდევნილთა შთამომავლები, რომლებმაც გზაში დიდი განსაცდელი გამოიარეს. სწორედ მუჰაჯირების ცხოვრებას ეძღვნება რადიო თავისუფლების ფილმი, რომელიც ლელა კუნჭულიას მიერ მიღებული ევროკავშირის სპეციალური პრიზის [მშვიდობის ჟურნალისტიკაში] ფარგლებში მომზადდა. 24 წლის ნერიმან აშლარბა მუჰაჯირების შთამომავალია. ბათუმში მცხოვრები მრავალშვილიანი ოჯახი დღემდე აფხაზური ტრადიციებით ცხოვრობს. ნერიმანს ბევრი მეგობარი ჰყავს აფხაზეთის ოკუპირებულ რეგიონში და წუხს, რომ მათ ხელი არ მიუწვდებათ განვითარების შესაძლებლობებზე, რითაც თავად აქტიურად სარგებლობს. ფილმში შეხვდებით მუჰაჯირების სხვა შთამომავლებსაც. ფილმში აღწერილია აფხაზების ცხოვრება აჭარაში - მათი ყოველდღიურობა, ტრადიციები, სამეზობლო ურთიერთობები. ნახავთ აფხაზური ჰალვის დამზადების რიტუალს და სოფელ ფერიის საჯარო სკოლას, სადაც აფხაზური ენა ისწავლება. -- 🔸 მეტი ახალი ამბავი, ანალიზი, ინტერვიუები და ბევრი სხვა ნახე ჩვენს საიტზე 👉🏻 https://www.radiotavisupleba.ge გამოგვყევი 👇🏻 Youtube-ზე 👉🏻 http://tinyurl.com/5ek3z4e3 Facebook-ზე 👉🏻 http://tinyurl.com/yc84b2x3 Instagram-ზე 👉🏻 http://tinyurl.com/2cb8w3wp TikTok-ზე 👉🏻 http://tinyurl.com/3skhv3ws Threads-ზე 👉🏻 http://tinyurl.com/bddphfyp