კობამ დაიწყო ხასანბეგურა

აჭარის სიმღერისა და ცეკვის ანსამბლი გამოდის ოლიმპიადაზე არტემ ერქომაიშვილის ხელმძღვანელობით. თბილისის ოპერისა და ბალეტის თეატრი, 1947 წელი. გამყვანი: თინათინ ჯინჭარაძე მთქმელი: ალექსანდრე ანანიძე ბანი: არტემ ერქომაიშვილი კობას ვინაობაზე რომელსაც ქალი ახსენებს ლექსის ბოლოს, ჩოხატაურში ამ ამბავს ყვებიან -- ვლადიმერ ბერძენიშვილის გუნდი იყო ჩასული მოსკოვში ჩაწერებზე ან ოლიმპიადაზე (თუ ოლიმპიადაზე იყო, მაშინ კირილე პაჭკორიას გუნდში იქნებოდნენ) და სტალინმა თხოვა, რომ ხასანბეგურა მამღერეთ მთქმელიო. ლადიმეს უთქვამს, კი ბატონოვო და თან თვალი უქნია ლომთათიძესთვის, მარტივად წავყვეთო. სტალინმა (კობამ) დაიწყო ხასანბეგურა და ესენიც აყვნენ, მაგრამ პირველივე ტრიოს დროს შეატყო სტალინმა, რომ ესენი (ლადიმე და თეოფილე) ინდობდნენ, ხოდა სანამ გადაძახილი დაასრულებდა პარტიას, ამათ უთხრა, წესიერად იმღერეთ, ნუ მიფრთხილდებითო, იმათაც მეორე ტრიოს დროს მოუმატებიათ სირთულისთვის, მაგრამ მაინც ზომიერების ფარგლებში, მეორე გადაძახილის დროს სტალინი პირდაპირ დაემუქრა, კედელთან მიგაყენებთო, ხოდა მესამე ტრიოზე კი დაუწნიათ, მაგრამ სტალინს ბოლომდე გაუძლია. სიმღერის მერე კითხეს, საიდან იცი ეს სიმღერაო და იმას უთქვია ერთი პერიოდი გურიაში ვიმალებოდიო. კიდევ ვიცი ერთი ტექსტიო ალიფაშას და ხასანბეგურას მღეროდნენო, ხოდა რომელიო ამათ კითხეს და იქ უთქვია "სისონა დარჩია"-ს ტექსტი რომელიც მომღერლებს არ გაეგონათ. ასე შემორჩა ისტორიას ერთისმხრივ კობა, ხოლო სისონა დარჩიას ტექსტი ლადიმე ბერძენიშვილის გუნდის ნამღერ ადილა ალიფაშას -- http://www.alazani.ge/dzveli-chanatse... http://www.alazani.ge