131

მმართველი გუნდი, ჯერ კიდევ არჩევნებამდე დაანონსებული, ყოფილი ხელისუფლების დანაშაულების გამოძიებას იწყებს.   როგორც „ქართულ ოცნებაში“ აცხადებენ, საგაზაფხულო სესიის პირველივე კვირაში შეიქმნება 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისია. ამ კომისიის ფორმატში მოხდება „ნაციონალური მოძრაობის“  ხელისუფლების თანამდებობის პირების გამოკითხვა, მომზადებული დასკვნა კი შემდგომი რეაგირებისთვის პროკურატურას და სხვა უწყებებს გადაეგზავნება. ინიციატივა საზოგადოება „ქართული ოცნების“ აღმასრულებელმა მდივანმა გააცნო. როგორც მამუკა მდინარაძე აცხადებს, საქართველოს იგივენაირად სჭირდება რადიკალური ოპოზიციისგან გათავისუფლება, როგორც ამერიკას „დიფ სთეითისგან“. მაშინ როდესაც მმართველ გუნდი საგამოძიებო კომისიის შექმნას ჯანსაღი პოლიტიკური სისტემის ჩამოყალიბებისთვის საჭირო გადაწყვეტილებად აცხადებს, „ნაციონალურ მოძრაობაში“ ინიციატივას „არაადეკვატურს“ და არსებულ პოლიტიკურ „რეალობასთან აცდენილს“ უწოდებენ. თითქმის იდენტურია დანარჩენი ოპოზიციის პოზიციაც.   ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.