თურქეთში დასაქმებულები

თურქეთის შავი ზღვისპირა ქალაქების, ხოფისა და ქემალფაშას ეკონომიკა წარსულში სოფლის მეურნეობაზე იყო დამოკიდებული. საქართველოსთან საზღვრის გახსის შემდეგ ქალაქის მთავარ ქუჩებზე მოეწყო ბაზრობები. კაპიტალს თურქეთის მოქალაქეები ფლობენ, ხოლო მომსახურეობის სფეროში ქართველები არიან დასაქმებული. პროდუქციის უმეტესობას საქართველოს მოქალაქეები ყიდულობენ. აქ, ხშირად, ანგარიშწორებაც კი ქართული ლარით ხდება. სარფის საზღვარს, პანდემიამდე, სამუშაოდ ყოველდღიურად ათასობით ადამიანი კვეთდა. მიუხედავად იმისა, თუ რა პირობებში და რა ანაზღაურებით უწევდათ მათ თურქეთში მუშაობა, პანდემიის პირობებში, მათი მდგომარეობა კიდევ უფრო დამძიმდა, რადგანაც მუშაობის საშუალება საერთო აღარ აქვთ. თვითდასაქმებულები - ასე უწოდებენ ისინი თავიანთ თავს, რადგანაც საკუთარმა სახელმწიფომ არაფერი შესთავაზა, მათ კი თავად იპოვეს სამსახური, ოღონდ სხვა ქვეყანაში. გვიპოვეთ აქ: Facebook: https://www.facebook.com/mautskebeli.ge Instagram: https://www.instagram.com/mautskebeli... Web: http://www.mautskebeli.ge/ #მაუწყებელი