ალბერ სერას ვიზიტი საქართველოში/“ავანსცენა“/რადიო იმედი, Radio Imedi

თანამედროვე კინოს ერთ-ერთი ყველაზე გამორჩეული ავტორი, ესპანელი კინორეჟისორი, ალბერტ სერა საქართველოს ეწვევა და სტუდენტებისთვის, კინოპროფესიონალებისა და კინომოყვარულებისთვის მასტერკლასებს გამართავს. ალბერტ სერა გამოირჩევა ინდივიდუალური ხელწერით, რომელიც გაჯერებულია თანამედროვე კინომეტყველებისთვის დამახასიათებელი ისეთი მნიშვნელოვანი კომპონენტებით, როგორიცაა "კინოდრო, როგორც ონლაინ რეჟიმი", "პერფორმანსი კინოში", "ფსიქიკური სხეული", "მხატვრული პირობითობისა და დოკუმენტური სტილსტიკის სინთეზი". მისი ნამუშევრები არაერთი ჯილდოს მფლობელია კანის, ლოკარნოსა თუ ვენეციის კინოფესტივალებზე. პროექტის გენერალური მხარდამჭერია adjaranet.com ალბერტ სერას მასტერკლასს წარადგენს TBC - თიბისი პროექტის ორგანიზატორია საქართველოს შოთა რუსთაველის თეატრისა და კინოს სახელმწიფო უნივერსიტეტი. მასტერკლასები გაიმართება 6-7 ივნისს, 13:00 საათზე, თეატრისა და კინოს უნივერსიტეტში. მის: რუსთაველის გამზირი 19 საჯარო შეხვედრა კი - 8 ივნისს, 19:00 საათზე თიბისი გალერეაში შედგება. მასტერკლასებზე დასასწრებად, გთხოვთ, შეავსოთ სარეგისტრაციო ფორმა: https://goo.gl/forms/Ilo0HifPHkRChjdz2 დასწრება თავისუფალია! © “ავანსცენა“/რადიო იმედი, Radio Imedi