"სილქ როუდ ჯგუფის" $400 მლნ ევროობლიგაციები - ინტერვიუ გიორგი რამიშვილთან

აწ უკვე გაგაცანით "სილქ როუდ ჯგუფის" მიერ წარმატებით განხორციელებული პირველი საერთაშორისო 400 მილიონი აშშ დოლარის ღირებულების ობლიგაციების გამოშვება. 5-წლიანი ობლიგაციების წლიური განაკვეთი 7.50% შეადგენს. ძალიან მნიშვნელოვანი ტრანზაქციაა საქართველოს ისტორიაში, როგორც ქართული კომპანიის მიერ განხორციელებული უმსხვილესი კერძო კორპორაციული ემისია, რომელმაც მიაღწია ქართულ ემიტენტებს შორის ყველაზე დაბალ სპრედს, ისევე, როგორც ქვეყნის პირველი საერთაშორისო ემისია 2024 წლის ივლისის შემდეგ, რამაც პრაქტიკულად აღადგინა ქართველი მსესხებლებისთვის საერთაშორისო ბაზარზე წვდომა. ამ თემაზე ამ ჯგუფის წარმომადგენლების კომენტარები და ინტერვიუებიც შემოგთავაზეთ. თუმცა, ღონისძიების ბოლოს, მოგვეცა შესაძლებლობა გვესაუბრა "სილქ როუდ ჯგუფის" დამფუძნებელთა და დირექტორთა საბჭოს თავმჯდომარესთან, გიორგი რამიშვილთან. ცხადია, საუბარი არ შეხება მხოლოდ ობლიგაციების გამოშვებას, მეტიც, ძირითადი ნაწილი სწორედ "სილქ როუდ ჯგუფის" გეგმებსა და ინვესტიციებს დაეთმო. სტუმარი: გიორგი რამიშვილი - Silk Road Group, სამეთვალყურეო საბჭოს თავმჯდომარე; ინტერვიუერი: გიორგი ისაკაძე - BMG, გენერალური პროდიუსერი;