ჩეხური ფახლავა

ყველა რეცეპტი ბლოგზე
https://bakewithsophie.com/

მოგიტანეთ ე.წ. ჩეხური ფახლავის ვიდეო რეცეპტი.

საჭირო ნედლეული:

ცომი:
ფქვილი - 600 გრ
კვერცხის გული - 4 ც
კარაქი - 500 გრ
მაწონი - 100 გრ
სოდა - 1 ჩ.კ.
ლიმონის ცედრა - 1 ც
მომზადება:

ფქვილს დავახეხოთ ცივი კარაქი და გავაფხვიეროთ ხელით. დავუმატოთ კვერცხის გული, მაწონი , სოდა, ლიმონის ცედრა და მოვზილოთ ერთგვაროვანი ფხვიერი ცომი. გავაჩეროთ მაცივარში 1 სთ ან საყინულეში 30 წთ.

პარალელურად დავიწყოთ
გულსართი:
ნიგოზი გატარებული - 200 გრ
კვერცხის ცილა- 4 ც
შაქარი - 300 გრ
ლიმონის წვენი - 10 გრ
დარიჩინი, მიხაკი, ილი - 1/2 ჩკ
ქიშმიში - 200 გრ

მომზადება:
ცილა ამოვიყვანოთ , დავუმატოთ ლიმონის წვენი ამოყვანისას. შემდეგ შევურიოთ ნიგოზი, ქიშმიში და სუნელები.

აწყობა:
მე ავაწყვე 24 სმ/დმ ფორმაში. თავიდან ცომი 4 - ად გავყავი, თუმცა სქელი ფენები გამოდიოდა მაგ ზომისთვის. ამიტომ , გუნდები გავანახევრე (გამოვიდა ჯამში 8 გუნდა)

5 გუნდა გამოვიყენე 24 სმ/დმ ფორმაზე. ანუ 5 ფენა აქვს ჩემს ფახლავას.

დანარჩენი ცომით კი გადავახვიე ,,რულეტი".

თქვენ შეგიძლიათ სტანდარტულად დიდ, რუმელის ფორმაზე ააწყოთ და ვფიქრობ 3 ფენაზე კარგად გეყოფათ ცომი.

გამოცხობის წინ გადავუსვი დოღაჟი:
2 ც კვერცხის გული და 2 ჩ/კ არაჟანი.

გამოცხობა:
180 გრადუსზე - 35 - 40 წუთი.


გემრიელად მიირთვით!