თუშური - გვირილა / Tushuri - Daisy

თუშური / tushuri - რომ არ დამეთმო გვირილა ძეწნა

Lyrics:

რომ არ დამეთმო გვირილა, ძეწნა,
არ დამელანდე ქვეყნად აროდეს,
ყვავილებისგან გვირგვინი მეწნა
და სიმღერებით მევლო წყაროზე,

მევლო ზედაშით, სადაც ქადაგი
ჩემს ხმიადებზე დაილოცებდა,
მექსოვა მზითვის ჯეჯიმ-ფარდაგი,
მქონოდა ქალაქს ჩასვლა ოცნებად,

შევგუებოდი ნისლიან ერდოს,
სარკმელში გაკრულ ღამეს და ეშმას,
ხან მოვხტომოდი უბელო თეთრონს,
ჩაშლილ ნაწნავში ქარს ეთარეშა,

მეკითხა ზეცა ცისკარ-საღამოს,
მყოლოდა ლელა, ბაკური, ჩონთა,
რომ ვყვარებოდი მწყემსს და სალამურს,
იქნება ჯობდა, იქნება ჯობდა.

#Georgia #tusheti #tushuri #თუშეთი #თუშური #ხალხური #ქართული #ნათიაჭაბუკაძე #natiachabukaidze #natushi

ლექსი: ანა იმედაძე
მუსიკა: ლელა თათარაიძე