ანზორ ერქომაიშვილის სახელობის საქველმოქმედო ფონდი დაფუძნდა

„ანზორ ერქომაიშვილის სახელობის საქველმოქმედო ფონდი“ დაფუძნდა. ფონდის ძირითადი მისია იქნება სხვადასხვა სასტიპენდიო პროგრამებით ქართული სიმღერისა და გალობის სფეროში საქართველოს რეგიონებში მცხოვრები ბავშვების ხელშეწყობა, რომლებიც გამორჩეულები იქნებიან თავიანთი ინტერესებითა და უნარებით. ფონდის დამფუძნებლები: 》ანზორ ერქომაიშვილის მეუღლე ლალი სეთურიძე 》ბიზნესმენები, „სმარტ კაპიტალ ჯგუფისა“ და ფონდ „ქართული გალობის“ დამფუძნებელი 》ივანე ჩხარტიშვილი და „ასკანელი ჯგუფის“ დამფუძნებელი, გოჩა ჩხაიძე. ფონდს ანსამბლ "მართვეს" აღზრდილი ლევან ჯავახიშვილი უხელმძღვანელებს. ფონდის მმართველი ბორდის წევრები: 》კომპოზიტორი, დირიჟორი, პიანისტი, ჯანსუღ კახიძის სახელობის თბილისის მუსიკალურ-კულტურული ცენტრის სამხატვრო ხელმძღვანელი, თბილისის სიმფონიუსი ორკესტრის მთავარი დირიჟორი – ვახტანგ კახიძე 》საქართველოს პარლამენტის იურიდიულ საკითხთა კომიტეტის თავმჯდომარის მოადგილე – დავით მათიკაშვილი. 》ანზორ ერქომაიშვილის სახელობის ფოლკლორის ცენტრის ხელმძღვანელი და ანსამბლ „ბასიანის“ სამხატვრო ხელმძღვანელი – გიორგი დონაძე 》სამების საკათედრო ტაძრის საპატრიარქო გუნდის ხელმძღვანელი – სვიმონ ჯანგულაშვილი 》ანსამბლ „მართვეს“ ხელმძღვანელი – მიხეილ ჯავახიშვილი 》ანსამბლ „რუსთავის“ ხელმძღვანელი – გიორგი ნატროშვილი 》 „სრატრაგუფის“ დამფუძნებელი – დავით ზაუტაშვილ დახურული ღონისძიება გაიმართა ანზორ ერქომაიშვილის საცხოვრებელ სახლში, რომელიც მზადდება სამუზეუმოდ. ღონისძიებას ესწრებოდნენ ფონდის მმართველი ბორდის წევრები, ფონდ „ქართული გალობის“ დამფუძნებელი ნანა გოთუა, პარლამენტარები რიმა ბერაძე და ქეთევან დუმბაძე და ანზორ ერქომაიშვილის ოჯახის წევრები. ღონისძიებაში მონაწილეობა მიიღეს ანსამბლებმა #რუსთავი და #მართვე