ჟურნალი ფოტოესე გადაცემა "კომუნიკატორში"

ჟურნალი ფოტოესე გადაცემა "კომუნიკატორში" კომუნიკატორი პროექტის ავტორი და წამყვანი: სერგი გვარჯალაძე წამყვანები: მერი შიხაშვილი, ნასტასია არაბული. კომუნიკატორი არის ინტერნეტში ინტეგრირებული ყოველდღიური სატელევიზიო ინტერაქტიული თოქ-შოუ, რომელიც ეთერშია ყოველ სამუშაო დღეს 17:00-დან 19:30-მდე. “კომუნიკატორი” არის უნივერსალური მედია პლატფორმა, რომელიც საშუალებას აძლევს მაყურებელს, გაახმაურონ და იმსჯელონ მათთვის მნიშვნელოვან თემებზე და გამოხატონ თავიანთი პოზიცია აქტუალურ საკითხებთან დაკავშირებით. ქართულ ტელეეთერში “კომუნიკატორი” ინოვაციურია და წარმოადგენს სატელევიზიო და ინტერნეტ-მაუწყებლობის სრულფასოვან ჰიბრიდს, რაც თანამედროვე უცხოური ინტერაქტიული სატელევიზიო პროექტების უკვე აპრობირებული სახეა (Huffpost Live, Дождь ТВ ). ორსაათნახევრიანი საეთერო მაუწყებლობის გარდა, “კომუნიკატორი” სპეციალურად აგებული სტუდიიდან 24-საათიან რეჟიმშია ჩართული ინტერნეტ სივრცეში, რომელიც ტელევიზიასთან ერთად, თანაბარი მნიშვნელობის რესურსია გადაცემის ფუნქციონირებისას. “კომუნიკატორის” ინტერნეტ-პლატფორმიდან ხდება საეთერო თემების დამუშავება და კონტაქტი მაყურებელთან. გადაცემის დროს, სატელეფონოს გარდა, ყველა სხვა სახის კავშირი მაყურებელთან ხდება “კომუნიკატორის” ინტერნეტ-პლატფორმის გავლით, საიდანაც ყველა მსურველს აქვს საშუალება გამოთქვას თავისი მოსაზრება პირდაპირ ეთერში თავისი პერსონალური კომპიუტერიდან (ტელეფონიდან, პლანშეტიდან) ფეისბუკის, სკაიპის, გუგლისა და სხვა პოპულარული სოციალური ქსელის დახმარებით. http://1tv.ge/ge/videos/view/142239.html