შს მინისტრმა ბათუმში ნარკოტიკებთან ბრძოლის რეგიონული კონფერენცია გახსნა

შინაგან საქმეთა მინისტრმა გიორგი მღებრიშვილმა ბათუმში ნარკოტიკებთან ბრძოლის საკითხებზე ახლო აღმოსავლეთის რეგიონული კონფერენცია გახსნა. შეხვედრა აშშ-ს საელჩოს სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს ოფისის (INL) და აშშ-ს ნარკოტიკების წინააღმდეგ ბრძოლის ადმინისტრაციის (DEA) ორგანიზებით ტარდება. გიორგი მღებრიშვილმა სიტყვით გამოსვლისას აშშ-ს მთავრობას კონფერენციის ორგანიზებისა და თანამშრომლობისთვის მადლობა გადაუხადა. „საქართველოს შინაგან საქმეთა სამინისტრომ ნარკოტიკების წინააღმდეგ ბრძოლა ერთ-ერთ მნიშვნელოვან პრიორიტეტად დაისახა. მინდა მადლობა გადავუხადო DEA-ს და INL-ს გამოცდილების გაზიარებისა და დახმარებისთვის, რაც მათ ჩვენი სამინისტროს ნარკოტიკების წინააღმდეგ ბრძოლის დანაყოფს გაუწიეს. როგორც მოგეხსენებათ, 2013-2014 წლებში ჩვენ 116 კილოგრამი ჰეროინის ფხვნილი და 2 ტონა და 446 ლიტრი თხევადი ჰეროინი ამოვიღეთ. 2015 წელს კი ამოღებული იქნა 40 კილოგრამამდე კოკაინი, რაც უპრეცედენტო ფაქტია. დარწმუნებული ვარ, აღნიშნული შეხვედრა იქნება ნაყოფიერი, პროდუქტიული და ინფორმაციული, რაც ხელს შეუწყობს ჩვენს უწყებებს შორის თანამშრომლობის კიდევ უფრო გაღრმავებას“,- განაცხადა გიორგი მღებრიშვილმა. სიახლის სრულად სანახავად გადადით შემდეგ ბმულზე: http://goo.gl/6cea8L