კომპოზიტორ ანა ქასრაშვილის მორიგი საერთაშორისო აღიარება

2 თებერვალს, ჰოლივუდის ოთხმა წამყვანმა სპეციალისტმა, ოსკაროსანი კომპოზიტორების აგენტმა რიჩარდ კრაფტმა, „Frozen“-ის კომპოზიტორმა ქრისტოფ ბექმა, „მეფე ლომის“ რეჟისორმა რომ მინკოფმა და გრემის მფლობელმა მუსიკის სუპერვაიზერმა ჯულია მიჩელსმა, SESAC Scores: The Beck Diversity Project-ის ფარგლებში ამერიკის დროით დღის 2:22 საათზე დაიწყეს 2-საათიანი ონლაინ შეხვედრა, სადაც მოისმინეს და შეაფასეს მონაწილეების მიერ გაგზავნილი დემოჩანაწერების 22-წამიანი მონაკვეთები. კომპოზიტორები პროექტში ანონიმურად მონაწილეობდნენ და შემფასებლებმა არ იცოდნენ, რომ ამ შემთხვევაში ისმენდნენ ანა ქასრაშვილის შემოქმედებას. მათ თავიანთი აღფრთოვანება გამოხატეს და თქვეს რომ ეს იყო განსაკუთრებული ჟღერადობის მუსიკა და მათ აზრით ეს მელოდია ეკუთვნოდა ადამიანს, რომელმაც იცის რას ქმნის. გთავაზობთ ვიდეოჩანაწერს - მოუსმინეთ როგორ შეაფასეს მათ ანას მუსიკა.