როგორ ვრცელდება კორონავირუსი და როგორ დავიცვათ თავი მისგან?

ჯანმოს ბოლო განცხადებით, არასწორია ის გავრცელებული ინფორმაცია, რომ თითქოს ბუნებრივ პირობებში კორონავირუსი ჰაერში დიდხანს ჩერდება და აეროზოლის გზით გადადის. COVID19-ის გამომწვევი ვირუსი უმეტესად გადაეცემა ინფიცირებული ადამიანის მიერ ხველების, ცემინების და საუბრის დროს გამოყოფილი წვეთებით. ეს წვეთები სიმძიმის გამო მალევე ეცემა იატაკზე ან სხვადასხვა ზედაპირზე. თქვენ შეიძლება დაინფიცირდეთ ჰაერიდან ვირუსის შესუნთქვით, თუ COVID-19-ის მქონე პირთან არაუმეტეს 1 მეტრის მანძილზე ხართ; ან ზედაპირებთან კონტაქტით და შემდეგ ხელით სახეზე, ცხვირზე ან პირზე შეხებით. კორონავირუსის პრევენციის ყველაზე ეფექტური გზაა ხელების ხშირი დამუშავება ალკოჰოლის შემცველი ხსნარით ან დაბანა საპნითა და წყლით. დეტალური ინფორმაციისთვის იხილეთ ვიდეო. დარჩი ჯანმრთელი და შეაჩერე COVID19-ის გავრცელება! * მოცემული მასალა წარმოადგენს ორიგინალი ვიდეოს “How to protect yourself against COVID-19” (   • Video  ) ქართულ ენაზე ადაპტირებულ ვერსიას. ავტორი: ჯანდაცვის მსოფლიო ორგანიზაცია (ჯანმო, WHO), ჟენევა, 2020. ლიცენზია: CC BY-NC-SA 3.0 IGO. ეს ვერსია არ არის შექმნილი ჯანმოს მიერ და ის პასუხს არ აგებს მის შინაარსსა და სიზუსტეზე. ძირითად წყაროს წარმოადგენს ორიგინალი ვიდეო. ადაპტირებული ვერსია შექმნილია ახალგაზრდული სამეცნიერო გაერთიანების მიერ. ** ადაპტირებული ვერსიის ავტორები: მარიამ გელდიაშვილი, სალომე ყიფშიძე, შალვა აბრამიშვილი, ვახტანგ თებიძე, მარიამ ხუჯაძე.