რუსთავში 9 აპრილის ტრაგედიის 30 წლისთავი აღნიშნეს

09.04.2019 08:39

რუსთავში 9 აპრილის 30 წლისთავისადმი მიძღვნილი მსვლელობა მოეწყო იმ მარშრუტზე, რომელზედაც ეროვნული მოძრაობის აქტივისტებმა 1989 წლის 7 აპრილს საპროტესტო მსვლელობა გამართეს. აქციაში მონაწილეობდნენ რუსთავის მერი ირაკლი ტაბაღუა, ქვემო ქართლის გუბერნატორი შოთა რეხვიაშვილი, ეროვნული მოძრაობის ვეტერანები, მოსწავლეები და სხვა რუსთაველები. მსვლელობა 9 აპრილის მემორიალთან დასრულდა. დღევანდელი აქციის მონაწილეებმა 9 აპრილის მემორიალი გვირგვინებით შეამკეს. გაიმართა მოკლულთა სულის მოსახსენიებელი პანაშვიდი; მოეწყო 9 აპრილს დაღუპულთა და ტრაგიკული მოვლენების ამსახველი ფოტოების გამოფენა. =============================================== - FB გვერდი: https://www.facebook.com/openrustavi.ge

გაზიარება: