Robot E-3102

https://georobot.wordpress.com ეს რობოტი რეაგირებს ხმაზე და ახდენს სივრცეში ორიენტაციას ხმის მიმართულების მიხედვით; იგი გხედავთ თქვენ და ახდენს რეაგირებას თქვენს ჟესტებზე (მაგ., შეუძლია გაარჩიოს რომელი ხელი ასწიეთ თავს ზემოთ, ან გასწიეთ განზე, ან მოხარეთ იდაყვში, ან რომელი მიმართულებით გადახარეთ თავი); იგი აღჭურვილია ლაზერული მანძილმზომით და შეუძლია მანძილის განსაზღვრა თქვენამდე ან გარშემო მყოფ საგნებამდე; ხედავს სპექტრის ინფრაწითელ უბანში და არ სჭირდება განათება; ინფრაწითელი და ულტრაბგერითი სენსორების დახმარებით შეუძლია მცირე ზომის დაბრკოლებების (მაგ., ბურთი, ქვა) აღმოჩენა და მათი გარშემოვლა; შეუძლია ფოტოს გადაღება და ფოტოების სხვა კომპიუტერზე გადაგზავნა, აგრეთვე სხვა კომპიუტერებზე სხვადასხვა პროგრამების გაშვება; მას შეუძლია გაჰყვეს ადამიანს და მცირე ტვირთიც კი წამოიღოს; მუშაობს ავტონომიურ რეჟიმში, წინასწარ დაწერილი სცენარის მიხედვით 4 საათის განმავლობაში; შეუძლია ვიდეო და აუდიო ფაილების დაკვრა; შეუძლია მუშაობა დისტანციურ რეჟიმში, როდესაც მას სხვა კომპიუტერიდან მართავს ოპერატორი. ამ რეჟიმში ოპერატორი ხედავს ყველაფერს, რასაც ხედავს რობოტი და ესმის ყველაფერი, რაც ესმის რობოტს. ამ დროს რობოტი ახმოვანებს ოპერატორის ლაპარაკს სპეციფიური მექნიკური ხმით, რაც ქმნის სრულ ილუზიას, რომ რობოტს ელაპარაკებით.