როგორ აცხობენ მესხეთში ქადას - ზაზა ივანიძის მასტერკლასი

ქადა სამცხე-ჯავახეთის სავიზიტო ბარათია. ის რეგიონში, ყველა ოჯახში განსხვავებული რეცეპტით ცხვება. ზოგს "გულიანი" უყვარს, ზოგი კი "უგულო" ქადას ანიჭებს უპირატესობას. ქადის მომზადებას მაგარი ცომი სჭირდება. ამოგუნდვის შემდეგ, ცომს ცოტა ხნით დასვენება სჭირდება. ამის შემდეგ იწყება ყველაზე რთული, გაშლის პროცესი. ცომს თხლად გააბრტყელებენ, გამდნარ ერბოს მოასხამენ და გადაკეცავენ. შემდეგ კვლავ აბრტყელებენ. ასე გრძელდება მანამ, სანამ ცომი ბევრ ფენას არ გაიკეთებს. ქადას ხელით ჩიტის ბუდის ფორმას აძლევენ, უმატებენ მოშუშული ფქვილის და მარილის შიგთავს, ე.წ. "გულს" და აცხობენ მესხურ ტრადიციულ, ქვის ფურნეში. ზაზა ივანიძემ რამდენიმე წელია რაც ტრადიციული მესხური ფურნე აღადგინა და გულიანი ქადების მომზადებაშიც დახელოვნდა. მესხური პურის და ყველის დღეზე მასტერკლასი ჩაატარა და რეცეპტიც გაგვიზიარა. გამოგვყევი: web: https://tv9news.ge/ facebook:   / tv9news.ge   instagram:   / tv9news_ge   ვიდეო წარმოადგენს www.tv9news.ge-ს საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა.