საყოველთაო გაფიცვა საფრანგეთში

16 ოქტომბერს პარიზის ქუჩებში ათეულ ათასობით ადამიანი გამოვიდა. მშრომელები საპროტესტო ტალღას გაფიცვებით შეუერთდნენ. სატრანსპორტო კომპანიების, ბენზინგასამართი სადგურების თანამშრომლები, მასწავლებლები და ექიმები, რამდენიმე კვირაა ხელფასების გაზრდას ითხოვენ. პროტესტმა პიკს კვირას მიაღწია, როდესაც მასობრივი გაფიცვა მსხვილ ბენზიგადამამუშავებელ კომპანიებში დაიწყო. რამდენიმედღიანი გაფიცვების ფონზე, ბენზინგასამართი სადგურების თითქმის 30%-ში მარაგის დეფიციტი დაიწყო. კომპანიებთან მოლაპარაკებები რამდენიმე დღეა მიმდინარეობს, თუმცა, პროფკავშირები მათ წინადადებას ხელფასის 7%-ით გაზრდასთან დაკავშირებით არ თანხმდებიან. გამოკითხვების მიხედვით მოსახლეობის მესამედი მხარს უჭერს გაფიცულთა მოთხოვნებს და მზადაა გაგებით მოეკიდოს ბენზინგასამართ სადგურებზე შექმნილ რიგებს. პროტესტის ორგანიზატორთა ამოცანა სწორედ ამ სახალხო მხარდაჭერის შენარჩუნება და გამყარებაა. მემარცხენე გაერთიანებებმა და პროფკავშირებმა 18 ოქტომბერს მთელი საფრანგეთის მასშტაბით საყოველთაო გაფიცვა დაანონსეს. გვიპოვეთ აქ: Facebook:   / mautskebeli.ge   Instagram:   / mautskebeli.  . Twitter:   / mautskebeli   Web: https://www.mautskebeli.ge/