#ვებინარი I როგორ შევაფასოთ ჩვენი ბიზნესის საკრედიტო პოტენციალი

ბიზნესის შეფასებისათვის, ასევე, მისთვის საჭირო სახსრების მოძიებისას სწორი მოლოდინების შექმნისა თუ გონივრული გადაწყვეტილების მისაღებად ფინანსური ანალიზი მნიშვნელოვან როლს ასრულებს. თუ თქვენ დამწყები მეწარმე ხართ ან უბრალოდ ბიზნესიდეა გაქვთ, მაგრამ მისი ფინანსური ასპექტების შეფასებაზე ჯერ არ გიფიქრიათ, მაშინ უსათუოდ დაგაინტერესებთ ერთი შეხედვით, რთულ, თუმცა ისეთ საჭირო საკითხებში გარკვევა, როგორებიცაა: კოეფიციენტები, ფინანსური უწყისები და მათი ანალიზი. ფინედუ წარმოგიდგენთ ონლაინ ვებინარს - როგორ შევაფასოთ ჩვენი ბიზნესის საკრედიტო პოტენციალი? ვებინარზე, რეალურთან მიახლოებული, პრაქტიკული მაგალითებით შეძლებთ, გაეცნოთ და შეისწავლოთ ის ძირითადი საკითხები, რომელიც ბიზნესის ფინანსური მდგომარეობის ანალიზისათვის გამოგადგებათ. ვებინარზე განხილულია ბიზნესის საკრედიტო პოტენციალის შეფასების კრიტერიუმები და მასთან დაკავშირებული ისეთი საკითხები, როგორებიცაა: - ბიზნესსესხი, მისი ტიპები და მიზნობრიობა; - ბიზნესის საკრედიტო პოტენციალის შეფასებისთვის ფინანსური ორგანიზაციების მხრიდან მოთხოვნილი ინფორმაცია; - ფინანსური უწყისები, კოეფიციენტები და მათი ანალიზი. #ჩემიფინანსურიმეგზური #ფინედუ #ფინანსურიგანათლება