დემურ ზოსიაშვილი - ვეტერანი მეშახტე

დემურ ზოსიაშვილი 55 წელი მუშაობდა შახტაში. სამსახურიდან დიდი გაფიცვის შემდეგ გაათავისუფლეს. ვეტერანი მეშახტე აღწერს სამთომომპოვებელ ინდუსტრიაში არსებულ მძიმე ექსპლუატაციას.     დამოუკიდებლობის პირველივე წლებში ინდუსტრიის უდიდესი ნაწილი განადგურდა. საბჭოთა ბიუროკრატიამ კერძო საკუთრებად აქცია და ქვეყნის გარეთ გაყიდა ბევრი ინდუსტრიული ცენტრი. ურთულეს ვითარებაში გაგრძელდა შრომა ინდუსტრიულ ქალაქებში. ტყიბულელი მეშახტეები, სხვა მშრომელებთან ერთად, დღესაც ქმნიან დიდ სიმდიდრეს, თუმცა იდეოლოგია ახერხებს დამალოს და გააუფასუროს ამ ადამიანების შრომა.  კაპიტალი, მთავრობისა და ყვითელი პროფკავშირების დახმარებით, ყველას არწმუნებს, რომ ქვანახშირის მოპოვება  მომგებიანი ბიზნესი არაა. თაღლითური სქემებით, ინვესტორი, ოფიციალურ დოკუმენტაციაში მალავს რეალურ შემოსავალს, ხოლო შახტას ,,სოციალურ პროექტად წარმოაჩენს’’. პარალელურად, კიდევ უფრო მძიმე ექსპლუატაციას უწევს მშრომელებს. მათ უსახავს არარეალურად გაზრდილ ყოველთვიურ გეგმას ნედლეულის მოსაპოვებლად.  ამ გეგმის შესასრულებლად მეშახტეებს უწევთ ჯანმრთელობის გარისკვა. სხვანაირად, მინიმალურ ხელფასსაც ვერ მიიღებენ.  სამთო-მომპოვებელ ინდუსტრიაში ადამიანების გმირული შრომა სრულიად დაუფასებელია. შეიქმნა უმძიმესი ვითარება, როცა შახტა არასტაბილურ და დროებით დასაქმების ადგილად ჩამოყალიბდა. შედეგად, კიდევ უფრო მძიმეა მეშახტეების ცხოვრება, რომელთა დიდი ნაწილი ქრონიკულ, პროფესიულ დაავადებებს ებრძვის. გვიპოვეთ აქ: Facebook: https://www.facebook.com/mautskebeli.ge Instagram: https://www.instagram.com/mautskebeli... Web: http://www.mautskebeli.ge/ #მაუწყებელი