ფული შეჭამეს და ჩაუფლავდათ აქცია, ინტელექტთან რა საერთო ჰქონდა დღევანდელ დღეს? – გუბაზ სანიკიძე

ინტელექტთან რა საერთო ჰქონდა დღევანდელ პროტესტს? – ასე გამოეხმაურა გუბაზ სანიკიძე თბილისში, ევროპის მოედანზე გამართულ შეკრებას, რომლის ერთ-ერთი ორგანიზატორიც გია გაჩეჩილაძე, იგივე უცნობი იყო, სწორედ მან უწოდა დღევანდელ შეკრებას “ინტელექტუალური პროტესტი” “არ ვიცი, თითისტოლა გოგონების დევნა თუ ინტელექტის გამოვლენაა, მე არ ვიცი. ჟურნალისტებს რომ დასდევდნენ. ერთმა ბატონმა იქ ვაჟა-ფშაველა, ილია ჭავჭავაძე და შოთა რუსთაველი ახსენა, ჩემო ბატონო, შოთა რუსთაველის, ვაჟა-ფშაველას და ილია ჭავჭავაძის ნაწარმოებებში სად წაიკითხეთ პატარა გოგონების დევნა? სადაური ვაჟკაცები ხართ? პატარა გოგონებს რომ დასდევთ, მერე დაუკვირდით, რომელი ინტელექტუალები არიან? კამერებს ემალებიან. პირუტყვული შიში აქვთ კამერების, ეს თავიანთი უსუსურობის ქვეცნობიერი აღიარებაა და იმის, რომ ტყუილის მხარეს არიან იმიტომ, რომ თუ მართალი ხარ, რატომ იმალები? ველური ქცევები აქვთ, არ შეუძლიათ სამზეოზე გამოსვლა, განსხვავებული მოსაზრების ადამიანებთან პაექრობა. ელოდებოდნენ გრანდიოზულ რაოდენობას, თბილისის იმედი ჰქონდათ და რატომ ჰქონდათ ეს იმედი, არ ვიცი, ეს იყო დიდი აქცია?“- განაცხადა გუბაზ სანიკიძემ. მისივე თქმით, ორგანიზატორებმა “ფული შეჭამეს” და ამიტომაც “ჩაუფლავდათ”. შემოგვიერთდით ტელეგრამის არხზე: https://t.me/multimediageorgia მოიწონეთ ჩვენი გვერდი ფეისბუქზე, მიჰყევით ამ ბმულს: https://bit.ly/2D9tHM9 ჩვენი ვებ გვერდი: MULTIMEDIA.GE - მულტიმედია