უცხოური: ზეინ მალიკი და ჯიჯი, "სამეფო კარის" საქორწინო მოსაწვევი, ავიჩის გარდაცვალების ზუსტი მიზეზი

* დაშორების შემდეგ პირველად, ჯიჯი ჰადიდი და ზეინ მალიკი ნიუ-იორკის ერთ-ერთ რაიონში ერთად დააფიქსირეს. ჯერ-ჯერობით წყვილს შერიგებაზე კომენტარი არ გაუკეთებია, თუმცა მომღერალმა არაერთხელ აღიარა, რომ ჰადიდი კვლავ ძალიან უყვარს. შეგახსენებთ, რომ რამდენიმე თვის წინ, 2,5 წლიანი რომანის შემდეგ წყვილმა ცალ-ცალკე ყოფნა არჩია. * სულ მალე, „სამეფო კარის თამაშების“ ვარსკვლავების, კიტ ჰარინგტონისა და როუზ ლესლის ქორწილი გაიმართება. ზუსტ თარიღს წყვილი საგულდაგულოდ მალავს, თუმცა ჟურნალისტებმა სხვა დეტალების გარკვევა მოახერხეს. კერძოდ კი იმისი, როგორ გამოიყურება მათი საქორწინო მოსაწვევი. აღმოჩნდა, რომ ბარათები სერიალის სტილშია გაფორმებული და ეს სიმბოლურიც არის, რადგან წყვილმა ერთმანეთი სწორედ ამ პროექტით გაიცნო. ცნობილია ასევე ისიც, რომ დაპატიჟებული სტუმრების სიაშია „სამეფო კარის თამაშების“ მთლიანი გადამღები ჯგუფი. ქორწილის გამო დროებით შეჩერდება სერიალის გადაღების პროცესიც კი. * ავიჩის ნათესავებმა დუმილი დაარღვიეს და დიჯეის გარდაცვალების ოფიციალური მიზეზი დაასახელეს. როგორც აღმოჩნდა, მუსიკოსმა მართლაც თავი მოიკლა. გარდაცვლილთან იპოვეს წერილი, სადაც ის თვითმკვლელობის მიზეზებზე საუბრობს. „როდესაც მისი გასტროლები დასრულდა, ის ცდილობდა ცხოვრებისეული ბალანსი ეპოვა და ის ეკეთებინა, რაც მართლა უნდოდა – მუსიკა. ის ცდილობდა სულ პოზიტიურად ეფიქრა, მაგრამ ვერ შეძლო. ტიმი არ იყო შექმნილი ბიზნესისთვის, სადაც მოულოდნელად მოხვდა. ის ძალიან მგრძნობიარე იყო და მართლა უყვარდა თავისი თაყვანისმცემლები“, – განაცხადა დიჯეის ოჯახმა ოფიციალურ განცხადებაში. ________________________ Official Site - http://www.musicbox.ge/ MyVideo - http://www.myvideo.ge/?user_id=921478 Facebook - https://www.facebook.com/MusicBoxGeorgia Twitter - https://twitter.com/#!/musicboxge #MusicBox #News #სიახლეები