ელეფთერ ანდრონიკაშვილი

„როცა მოსკოვიდან თბილისში ჩამოვედი, დავინახე ახალგაზრდების უმეტესობას კოსმოსური სხივების ფიზიკაში, ატომურ ფიზიკაში მუშაობა სურდათ. და ეს იყო დაუძლეველი სურვილი. მე გადავწყვიტე, ნაცვლად იმისა, რომ მეიძულებინა ახალგაზრდა ადამიანები შეეცვალათ საკუთარი ინტერესები, უფრო მიზანშეწონილი იყო - მე უფრო გამოცდილ ადამიანს შემეცვალა ჩემი პროფესია, რათა მემუშავა ახალგაზრდების ფართო წრესთან.“ - ელეფთერ ანდრონიკაშვილი. ქართველი ახალგაზრდა მეცნიერების ოცნებას - საქართველოშივე ეკვლიათ კოსმოსური სხივების ფიზიკა, ელეფთერ ანდრონიკაშვილმა ფრთები შეასხა. ჯერ კიდევ, 1957 წელს, მაშინ როდესაც ადამიანი კოსმოსში გაფრენილიც კი არ იყო, ცნობილმა ქართველმა ფიზიკოსმა, ელეფთერ ანდრონიკაშვილმა საქართველოში, მცხეთაში ბირთვული რეაქტორი ააგო და კოსმოსური გამოსხივების კვლევა დაიწყო. მყარი ტანის რადიაციული ფიზიკისა და დაბალტემპერატურული რადიაციული მასალათმცოდნეობის მიმართულებით ჩატარებული კვლევები, საერთაშორისო მეცნიერთა აღიარებით, - დროს უსწრებდა. მომზადდა განათლებისა და მეცნიერების სამინისტროს მეცნიერების პოპულარიზაციის პროგრამის ფარგლებში. #მეცნიერთამატიანე #მეცნიერებისკვირეული2021