"ჩრდილოეთის ნაკადის" ბიძგები ნატოს ალიანსისათვის

მას შემდეგ, რაც შეერთებული შტატების პრეზიდენტი დონალდ ტრამპი გახდა, ტრანსატლანტიკურ ურთიერთობაში გამოიკვეთა უთანხმოება რამდენიმე საკითხის გარშემო. მათ შორის არის ნატო, რომელსაც ტრამპმა "მოძველებული" უწოდა. აშშ-ის პრეზიდენტმა რამდენჯერმე მკაცრად გააკრიტიკა გერმანია, რომელსაც უწინასწარმეტყველა „სრული დამოკიდებულება“ რუსეთის ენერგეტიკაზე, თუ ბერლინი „დაუყოვნებლად არ შეცვლის კურსს". რა გავლენას ახდენს გერმანიის პოლიტიკურ გადაწყვეტილებებზე, ერთი მხრივ, რუსეთთან დაკავშირებული ეკონომიკური ინტერესები და, მეორე მხრივ, არცთუ იოლი ურთიერთობა ამერიკის შეერთებულ შტატებთან? როგორ ცხოვრობდნენ და რა კვალი დატოვეს შვაბებმა საქართველოში? როგორია ოჯახში ძალადობის მონაცემები ევროკავშირსა და საქართველოში? რას ემყარება ორი ქართველი მოქანდაკის ძველი მეგობრობა ანტვერპენში? რადიო თავისუფლების სატელევიზიო გადაცემა "პერსპექტივაში" გესაუბრებით საქართველოს დასავლურ პერსპექტივაზე - იმაზე, თუ რა გვიშლის და რა გვიწყობს ხელს დემოკრატიის გზაზე. გადაცემაში წარმოგიდგენთ ადამიანებს, რომლებიც სამშობლოდან შორს, მაგრამ მაინც სამშობლოთი ცხოვრობენ. „პერსპექტივა“ კვირაობით 22:30 საათზე გადის ტელეკომპანია "პირველის" ეთერით და ჩვენს YouTube-ის არხზე.