ზენის ჯიხა-ციხე
ზენის ჯიხა-ციხე საჯიჯაოს ადმინისტრაციულ ტერიტორიული ერთეულის სოფელ ზენში, ღელე პარტიკის მარჯვენა ნაპირზე, დავით დერიკონის ეზოს უკან დგას. დერიკონების წინაპარი XX საუკუნის 30-იანი წლების დამდეგს ჩამოსულა უკრაინიდან და ზენის ციხესთან დასახლებულა. სწორედ ამ ოჯახის დამსახურებაა, რომ ციხემ, თითქმის პირვანდელი სახით მოაღწია ჩვენამდე. ციხე-სიმაგრეები, რომლებიც დასახლებულ პუნქტებში მდებარეობს, XX საუკუნეში უმეტესწილად ადამიანთა დაუდევრობის გამო დაზიანდა. დერიკონები კი ციხეს ფაქიზად და დიდი სიფრთხილით ეპყრობიან.
ციხე საკმაოდ დიდია, ნაგებია რიყის ქვებით. შიდა ეზოს ფართობი დაახლოებით 500 კვ. მეტრია. გალავანში ორი კოშკია ჩართული. ჩრდილოეთის კოშკში ჭიშკარია მოწყობილი, პირველ სართულს თაღოვან გასასვლელ აქვს. შემოსასვლელის თავზე სალოდეა, მესამე სართულის ოთხივე კედელში თითო სათოფეა მოწყობილი. სამხრეთით მდებარე პირამიდული ფორმის ციხის მთავარი კოშკი საბრძოლო-საცხოვრებელია.
კოშკების ზედა ნაწილი დანგრეულია. ციხის გალავანი 6-8 მეტრის სიმაღლისაა.
მოგვიანებით ციხისათვის მიუშენებიათ სათავსოები. ნაგებობათა კვალი ჩანს ციხის ეზოშიც. ციხე თითქმის მთლიანად დაფარულია კოლხური სუროთი.
ციხე გვიან შუა საუკუნეებში თავად ჩიჩუებისა იყო. აქვე, ახლოს, რამდენიმე ასეულ მეტრში არის ზენის ძველი სასაფლაო, სადაც ადრე, საბჭოთა ხელისუფლების დამყარებამდე, იოანე ნათლისმცემლის ეკლესია იდგა.
ცნობილი მეცნიერი პარმენ ზაქარაია ზენის ციხეს XVII საუკუნის I ნახევრით ათარიღებს.
ავტორი გოგიტა ჩიტაია წიგნი „ხობის მონასტერი“ 2019 წელი
#ხობი
#სამეგრელო
#ზენი
#საჯიჯაო
#საქართველო
ზენის ჯიხა-ციხე საჯიჯაოს ადმინისტრაციულ ტერიტორიული ერთეულის სოფელ ზენში, ღელე პარტიკის მარჯვენა ნაპირზე, დავით დერიკონის ეზოს უკან დგას. დერიკონების წინაპარი XX საუკუნის 30-იანი წლების დამდეგს ჩამოსულა უკრაინიდან და ზენის ციხესთან დასახლებულა. სწორედ ამ ოჯახის დამსახურებაა, რომ ციხემ, თითქმის პირვანდელი სახით მოაღწია ჩვენამდე. ციხე-სიმაგრეები, რომლებიც დასახლებულ პუნქტებში მდებარეობს, XX საუკუნეში უმეტესწილად ადამიანთა დაუდევრობის გამო დაზიანდა. დერიკონები კი ციხეს ფაქიზად და დიდი სიფრთხილით ეპყრობიან.
ციხე საკმაოდ დიდია, ნაგებია რიყის ქვებით. შიდა ეზოს ფართობი დაახლოებით 500 კვ. მეტრია. გალავანში ორი კოშკია ჩართული. ჩრდილოეთის კოშკში ჭიშკარია მოწყობილი, პირველ სართულს თაღოვან გასასვლელ აქვს. შემოსასვლელის თავზე სალოდეა, მესამე სართულის ოთხივე კედელში თითო სათოფეა მოწყობილი. სამხრეთით მდებარე პირამიდული ფორმის ციხის მთავარი კოშკი საბრძოლო-საცხოვრებელია.
კოშკების ზედა ნაწილი დანგრეულია. ციხის გალავანი 6-8 მეტრის სიმაღლისაა.
მოგვიანებით ციხისათვის მიუშენებიათ სათავსოები. ნაგებობათა კვალი ჩანს ციხის ეზოშიც. ციხე თითქმის მთლიანად დაფარულია კოლხური სუროთი.
ციხე გვიან შუა საუკუნეებში თავად ჩიჩუებისა იყო. აქვე, ახლოს, რამდენიმე ასეულ მეტრში არის ზენის ძველი სასაფლაო, სადაც ადრე, საბჭოთა ხელისუფლების დამყარებამდე, იოანე ნათლისმცემლის ეკლესია იდგა.
ცნობილი მეცნიერი პარმენ ზაქარაია ზენის ციხეს XVII საუკუნის I ნახევრით ათარიღებს.
ავტორი გოგიტა ჩიტაია წიგნი „ხობის მონასტერი“ 2019 წელი
#ხობი
#სამეგრელო
#ზენი
#საჯიჯაო
#საქართველო
