საქართველოში საგანგებო მდგომარეობა უქმდება

ქვეყანა პრაქტიკულად ცხოვრების ძველ რიტმს უბრუნდება. ზუსტად სამ საათში, ღამის 12 საათის შემდეგ, 23 მისს, საქართველოში საგანგებო მდგომარეობა უქმდება. აღარ იმოქმედებს ე.წ. კომენდანტის საათიც. იხსნება ავტომობილებში მგზავრების რაოდენობასა და განლაგებასთან დაკავშირებული შეზღუდვაც. გამონაკლისია მხოლოდ ტაქსები. თუმცა რამდენიმე შეზღუდვა ჯერ ისევ რჩება. დღესაც არ დასახელებულა საზოგადოებრივი ტრანსპორტის ამუშავების თარიღი. დახურული რჩება კაფე-ბარები და რესტორნები, სავაჭრო ცენტრები და სპორტულ-კულტურულ-საგანმანათლებლო დაწესებულებები. კოვიდ-19-ის გავრცელების მკვეთრი შემცირების მიუხედავად, ეპიდემიოლოგები დამშვიდების საფუძველს ჯერ ვერ ხედავენ, მით უმეტეს მეზობელ ქვეყნებში არსებული რთული ვითარების გათვალისწინებით. ქვეყანა მთავარ ამოცანად ახლა დაავადების მეორე ტალღისთვის სათანადოდ მომზადებას აცხადებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.