ეპიზოდი 14. დავით IV აღმაშენებელი და მისი ეპოქა

Source: https://www.podbean.com/eau/pb-77v3i-10b2248 „მწარე პოდკასტის" მე-14 ეპიზოდი, დიდგორის ბრძოლის 900 წლისთავთან დაკავშირებით, მეფე დავით IV-ს ეპოქას მივუძღვენით. მიმოვიხილეთ ბევრი თემა, გიორგი II-ს მეფობიდან დაწყებული, დავითის მიერ 1122 წელს, თბილისის აღებით დამთავრებული. განსაკუთრებული ყურადღება დავუთმეთ საგარეო პოლიტიკურ ვითარებას, შიდა ფეოდალურ ურთიერთობებს საქართველოში, სამხედრო რეფორმის საკითხს, ფეოდალურ სახელმწიფოთა სამხედრო პოტენციალსა და არმიათა რიცხოვნობას, დავით IV-ს სტრატეგიულ უნარებს, ჯვაროსნებთან ურთიერთობასა და ჯვაროსნული ლაშქრობების გავლენას XII საუკუნის დასაწყისის საქართველოს ისტორიაზე, ფრანკი მოქირავნეების საკითხს, დიდგორის ბრძოლის წინაპირობებს, თბილისის მნიშვნელობას და კიდევ სხვა საინტერესო თემებს. პოდკასტი ძალიან გრძელი გამოვიდა, მაგრამ, ვფიქრობ, საჭირო და საინტერესო. ეპიზოდის სტუმარი, ისტორიკოსი, ნიკა შონია. ---------------------- პოდკასტში დავასახელეთ რამდენიმე მნიშვნელოვანი სამეცნიერო ნაშრომი, რომელიც მსმენელს გაუადვილებს ეპოქის აღქმას. ამ ნაშრომების ლინკებსაც აქვე წარმოგიდგენთ: 1. გოჩა ჯაფარიძე, საქართველო და მახლობელი აღმოსავლეთის ისლამური სამყარო XII-XIII ს-ის პირველ მესამედში http://dspace.nplg.gov.ge/handle/1234/9045  2. სოსო მარგიშვილი, მითები და რეალობა დავით აღმაშენებლის მეფობის შესახებ: http://dspace.nplg.gov.ge/handle/1234/68870 3. მამუკა წურწუმიას სტატიები იხილეთ მის გვერდზე academia.edu-ზე:  https://independent.academia.edu/MamukaTsurtsumia?from_navbar=true 4. ნიკა ხოფერია, დიდგორის ბრძოლა (1121 წ.): დავით IV-ს გადამწყვეტი დაპირისპირება სელჩუკებთან http://samxedro-istoria.blogspot.com/2020/07/12-1121.html 5. ნიკა ხოფერია, არმიათა რიცხოვნობის განსაზღვრის შესახებ https://samxedro-istoria.blogspot.com/2017/01/blog-post_22.html 6. რიჩარდ გაბრიელი, შეგვიძლია ვენდოთ ანტიკურ ტექსტებს? https://samxedro-istoria.blogspot.com/2016/12/blog-post_14.html

მსგავსი ვიდეოები