ფორუმი - „კორპორაციული სოციალური პასუხისმგებლობა და შრომითი სტანდარტები“

საქართველოს სტრატეგიული კვლევების და განვითარების ცენტრის (CSRDG) ორგანიზებით 30 ნოემბერს, 9:30 – 14:00 საათზე, სასტუმრო ქორთიარდ მერიოტში, გაიმართება დაინტერესებულ მხარეთა ფორუმი - „კორპორაციული სოციალური პასუხისმგებლობა და შრომითი სტანდარტები“. ფორუმის მიზანია კორპორაციული სოციალური პასუხისმგებლობის მნიშვნელობის წარმოჩენა შრომითი სტანდარტების დანერგვასა და საერთაშორისო ხელშეკრულებების მოთხოვნათა შესრულებაში; ევროპული ქვეყნების გამოცდილების გაზიარება და საკითხის გარშემო დისკურსის სტიმულირება. ფორუმის მსვლელობისას ადგილობრივი და საერთაშორისო ექსპერტები ისაუბრებენ ისეთი მნიშვნელოვანი საკითხების გარშემო, როგორიცაა საქართველოში შრომითი სტანდარტების დაცვა, სამუშაო გარემოს გაუმჯობესება და საერთაშორისო მოთხოვნების დაკმაყოფილება. საკითხი აქტუალურია როგორც მთავრობის, სამოქალაქო სექტორის, ბიზნეს სექტორისათვის, ასევე საერთაშორისო ორგანიზაციებისათვის. სტუმარი: ლელა ხოფერია, CSRDG - კორპორაციული სოციალური პასუხისმგებლობის პროგრამის ხელმძღვანელი; ნათია მეტრეველი, CSRDG- ს საზოგადოებასთან ურთიერთობის მენეჯერი 28/11/2017